BQO-da bıyl 20 densaýlyq saqtaý nysany jóndeledi
ORAL. QazAqparat - Batys Qazaqstan oblysynda bıyl 750,5 mln teńgege 20 densaýlyq saqtaý nysany jóndelmek, dep habarlaıdy «QazAqparat» HAA tilshisi.
Oblys ákimi Altaı Kólginovtiń aıtýynsha, Oralda 300 tósektik qalalyq kópbeıindi aýrýhananyń ashylýyna baılanysty oblystyq klınıkalyq aýrýhanada ǵımarat bosady. Sol ǵımarat qaıta jóndelip, qalada jetinshi emhana ashylatyn bolady. Osyǵan deıin qala emhanalarynda elektrondy tablo ornatylsa, endi osyndaı júıe Aqjaıyq, Bórli jáne Zelenov aýdandarynda engiziledi. Oǵan qosa 550 mln teńgege jedel járdem kólikteri, 174 mln teńgege 600 dana uıymdastyrý tehnıkasy satyp alynbaqshy.
Aıta keteıik, oblysta 36 densaýlyq saqtaý mekemesinde medıtsınalyq aqparattyq júıeler jáne biryńǵaı Call-tsentr jumys isteı bastady. 2016 jyly densaýlyq saqtaý salasyna 56 kólik satyp alyndy.
