BQO-da birneshe turǵyn esirtki zattarymen ustaldy
BQO polıtsııa departamentiniń baspasóz qyzmetinen túsken málimetke qaraǵanda, jedel izdestirý sharalary barysynda Oral qalasynyń 1994 jáne 1983 jylǵy turǵyndary qolǵa tústi.
Olardan sur-jasyl tústi esirtki zaty salynǵan 13 sirińke qoraby jáne tuz túrindegi sıntetıkalyq esirtki bar eki qaǵaz orama tárkilendi.
Qazirgi kezde atalǵan derek boıynsha Oral qalasy polıtsııa basqarmasy QR QK 296-baby 4-bóligine (esirtki zattarymen ótkizý maqsatynsyz zańsyz aınalysý) sáıkes tergeý amaldaryn júrgizýde.
Sol sekildi Báıterek aýdanynyń 1972 jylǵy turǵynynyń mekenjaıynan esirtki zaty salynǵan qaǵaz orama, 1,5 jáne 0,5 lıtrlik eki plastıkalyq quty, kóknár dánderi salynǵan paket, 3 ósimdik butasy tabyldy. Sharýashylyq aýlasynan da osyndaı zattar tárkilendi.
Bul derek boıynsha Prıýral polıtsııa bólimi QR QK 296-baby 4-bóligine jáne 300-baby 1-bóligine (quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sáıkes tergeýdi bastady.
BQO polıtsııa departamenti esirtki qylmysyna qarsy is-qımyl basqarmasynyń bastyǵy Álisher Sarynyń aıtýynsha, bıylǵy úsh aıda 27 esirtki qylmysy ashylsa, sonyń 12-si ótkizýge qatysty.
Esirtkiniń zańsyz aınalymyna baılanysty 20 adam ustalsa, sonyń beseýi esirtki satqan.
Barlyǵy 7 kg 642 gramm esirtki men psıhtroptyq zattar tárkilense, sonyń ishinde 7 kg 627 gramm – marıhýana, 7,35 gramm – gashısh, 1,4302 gramm – ekstraktsııalyq apıyn, 5,86 gramm – sıntetıkalyq esirtkiler.
Sondaı-aq 45 qylmystyq quqyqbuzýshylyqtyń beti ashylsa, sonyń 44-i – QR QK 296-babynyń 1-2 bólimderine, bireýi – 303-baptyń 1-bólimine qatysty.