BQO-da birneshe baǵytta jol jabyq: Sınoptıkter eskertý jarııalady
ORAL. QazAqparat – Batys Qazaqstan oblysynda birneshe baǵytta jol jabyq, dep habarlaıdy QazAqparat tilshisi.
BQO jolaýshylar kóligi jáne avtomobıl joldary basqarmasynan túsken málimetke qaraǵanda, aýa raıynyń nasharlaýyna baılanysty oblystyq mańyzy bar Bórli-Aqsaı-Jympıty (0-159), Úlken Shaǵan-Peremetnyı (0-42 km), Tasqala-Aqqýraı-Bolashaq-RF shekarasy (0-157 km) joldarynda barlyq kólik túrleri úshin qozǵalys shekteldi.
Jabylý sebebi – qatty burqasyn, jeldiń jyldamdyǵy sekýndyna 15 metrge deıin jetedi.
Sonymen qatar BQO TJ departamenti 21 naýryz kúni de kún raıy buzylatynyn, osyǵan oraı eskertý jarııalanǵanyn jetkizdi. 21 naýryz kúni túnde óńirdiń keı jerlerinde jáne Oral qalasynda tuman túsip, kóktaıǵaq bolady.
Eske sala keteıik, budan buryn Batys Qazaqstanda oblystyq mańyzy bar 10 joldyń jabylǵanyn jazǵan bolatynbyz.
