BQO-da birqatar jerlerde qatty jeldiń saldarynan jaryq óship qaldy
ORAL. QazAqparat - Búgin Batys Qazaqstan oblysynda qatty jeldiń saldarynan birqatar jerlerde jaryq óship qaldy, dep habarlaıdy «QazAqparat» tilshisi.
BQO TJ departamentiniń jedel kezekshisi, azamattyq qorǵaý maıory Nurbolat Muqajanovtyń aıtýynsha, Oral qalasynyń birneshe shaǵynaýdandarynda jaryq sónip, qaıta qosyldy. Dál qazirgi sátte qalaǵa qarasty Krýgloozernyı, Serebrıakov, Jelaev aýyldary jaryqsyz qalyp otyr.
Mundaı jaǵdaı Jańaqala aýdanynda da oryn aldy. Aýdan ákimi Lavr Haıretdınovtiń sózine qaraǵanda, aýdan ortalyǵynyń ózinde keı jerler birneshe saǵat boıy jaryqsyz qalsa, birqatar kóshelerde jarty kúnge deıin bolmady. Úzilgen elektr symdary jalǵanyp, jaryq qaıta berildi.
Aıta keteıik, soltústik-shyǵystan soǵatyn jeldiń jyldamdyǵy sekýndyna 17-22 metrge deıin jetýi múmkin ekendigi keshe habarlanǵan bolatyn. BQO TJ departamenti dál osyndaı eskertýdi búgin de jarııalap otyr. Erteń, 30 mamyr kúni ońtústik-batystan soǵatyn jeldiń jyldamdyǵy sekýndyna 18-23 metrge jetýi yqtımal.
