BQO-da bir otbasydan 3 urpaq ókilderi daýys berdi

ORAL. QazAqparat – Aqjaıyq aýdany ortalyǵy Chapaev aýylynda Qajyǵalıevter otbasy tegisteı daýys berdi, dep habarlaıdy QazAqparat tilshisi.

Jigerbaı Qajyǵalıevtiń aıtýynsha, búgingi saılaýda bir otbasydan úsh urpaq ókilderi óz tańdaýlaryn jasady.

Onyń sózine qaraǵanda, óziniń jasy 76-da bolsa, zaıyby Márýa 75-te. Uly Orazbaı 55-te, kelini Marjan 50-de, qyzdary Gúlsana, Gúljanat, Gúlmıra da solar qatarlas. Oǵan qosa nemereleri Ernar men Dana da daýys berdi.

Barlyǵy úsh ul, úsh qyzdan taraǵan 14 nemere, 14 shóbere kórip otyrǵan, eńbek jolynda ustazdyq etýmen qatar aýyldyq okrýg ákimi qyzmetin de atqarǵan Jigerbaı qarııa – búginde aýdandyq ardagerler keńesiniń tóraǵasy.

«Bizdiń otbasymyzda demokratııalyq úrdis ornyqqan dep aıtýǵa bolady. Daýsyńdy anaǵan ber, mynaǵan ber dep aıtqan emespiz. Árkim óz tańdaýyn jasady. Eń bastysy, bizge Qazaqstanymyzdyń qaryshtap damyǵany kerek. Eldiń ishki jáne syrtqy saıasaty durys bolyp, álemdegi aldyńǵy qatarly memlekettermen ıyq teńestirsek, odan artyq abyroı joq», dedi QazAqparat tilshisine Jigerbaı Qajyǵalıev.

Eske sala keteıik, budan buryn eldiń batysynda turǵyndar saılaýda óz tańdaýyn jasap jatqanyn jazǵan bolatynbyz.

Batys Qazaqstan oblysynda 70 jastaǵy qarııa óz tańdaýyn jasady.