BQO-da bir mezgilde 5 úıdiń aýlasy órtendi
ORAL. QazAqparat – Batys Qazaqstan oblysynda bir mezgilde bes úıdiń aýlasy órtendi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa Báıterek aýdany Dostyq aýylynda boldy.
Búgin saǵat 00.41-de aýyl turǵynynan órt týraly habar túsken.
Munaıshylar kóshesi 1-mekenjaıda 9 tonna pishen kúlge aınaldy.
Táýelsizdik kóshesi 21/A-mekenjaıynda 120 sharshy metrdi qamtyǵan sharýashylyq qurylysy, 1 tonna jem (bıdaı) men 15 tonna pishen otqa orandy.
Pıoner kóshesi 26-úı 1-páterde 60 sharshy metrdi qamtyǵan, qujattary joq sharýashylyq qurylysynyń tóbesi jáne 12,5 tonna pishen órtendi.
Á.Moldaǵulova kóshesi 6-úıde 100 sharshy metr qujattary joq sharýashylyq qurylysy, 9,6 tonna pishen jáne 1 bas iri qara janyp ketken.
Qurylysshylar kóshesi 2-úıde 80 sharshy metr qujattary joq sharýashylyq aýlasy, 20 tonna saban, 7 toraı, 12 kúrketaýyq jáne 15 taýyq órt qursaýynda qaldy.
Órt saǵat 06.41-de oqshaýlanyp, 08.38-de sóndirildi.
Báıterek aýdany TJ bóliminiń bastyǵy, azamattyq qorǵaý maıory Qaırat Jumaǵalıevtiń aıtýynsha, «tilsiz jaýdy» aýyzdyqtaýǵa 4 órt bólimshesi, 8 tehnıka, 30 qyzmetker jumyldyryldy. Oqıǵa ornynda aýdandyq TJ bólimi qyzmetkerleri men órt sóndirýshilerden shtab quryldy.
Aldyn ala joramal boıynsha órt qasaqana ot qoıýdan shyqqan.
Qazirgi kezde naqty sebebi, keltirilgen shyǵyn, kináli adamdar anyqtalý ústinde.
Eske sala keteıik, budan buryn Oralda úsh adamnyń gazdan ýlanyp, aýrýhanaǵa jetkizilgenin jazǵan bolatynbyz.
