BQO-da bir kúnde jol apatynan 2 adam kóz jumdy

ORAL. QazAqparat – Batys Qazaqstan oblysynda bir kúnde bolǵan eki jol apatynan 2 adam kóz jumdy, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen málim etkendeı, qaıǵyly oqıǵalardyń biri 4 jeltoqsan kúni Tasqala aýdanynda boldy.

Shamamen saǵat 01.20-da Tasqala-Atameken jolynyń 36-shaqyrymynda 35 jastaǵy júrgizýshi «VAZ-21074» avtokóliginiń rýline ıe bola almaı, aýdarylyp qalǵan. Sonyń saldarynan ol oqıǵa ornynda jan tapsyrdy.

Taǵy bir oqıǵa keshe Báıterek aýdany aýmaǵynda Kırsanov-Oral jolynyń 43-shaqyrymynda Rýbejın aýyly tusynda boldy.

Shamamen saǵat 07.30-da 24 jastaǵy júrgizýshi «Lada-2107» avtokóligimen kele jatyp, joldyń qarsy betine shyǵyp ketken. Sonyń saldarynan 59 jastaǵy júrgizýshi aıdap kele jatqan «GAZ-53» kóligimen betpe-bet soqtyǵysqan. Jol apaty saldarynan «Lada-217» avtokóliginiń júrgizýshisi jedel járdem kelgenge deıin kóz jumdy. Osy kólikte otyrǵan 1998 jyly týǵan qyz aýrýhanaǵa jetkizildi.

«Eki oqıǵa boıynsha QR QK 345-baby 3-bóligine sáıkes sotqa deıingi tergeý amaldary júrgizilip jatyr», - dep habarlady vedomstvodan.

BQO Densaýlyq saqtaý basqarmasy baspasóz qyzmetiniń naqtylaýynsha, Báıterek aýdanynda bolǵan oqıǵadan zardap shekken 24 jastaǵy qyz aýyr jaraqat almaǵan, ol Tasqala aýdandyq aýrýhanasyna tústi. 47 jastaǵy áıel de jeńil jaraqat alǵan.

Foto: polisia.kz