BQO-da bir kúnde úsh adam jol apattarynan mert boldy
ORAL. QazAqparat – Batys Qazaqstan oblysynda bir kúnde úsh adam jol apattarynan mert boldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, úsh oqıǵa da 1 qazan kúni tirkeldi.
Keshe Tasanshegen-Saryómir jolynyń 14-shaqyrymynda Terekti aýdany Qandyq aýylynyń tusynda «VAZ-21099» avtokóligi traktor tirkemesimen túıisti.
«MTZ-80» traktorynyń 1959 jylǵy júrgizýshisi pishen tıelgen tirkemesiniń joldyń qarsy betine shyǵyp ketýine jol bergen. Sonyń saldarynan jeńil kóliktiń 1981 jylǵy júrgizýshisi jedel járdem kelgenge deıin kóz jumdy.
Sol sekildi saǵat 19.40 shamasynda Zachagan kentinde turǵan 1974 jylǵy júrgizýshi «Reno Sandero» avtokóligimen Tasqala-Oral jolynyń 18-shaqyrymynda rýlge ıe bola almaı, aýdarylyp qalǵan. Bul júrgizýshi de alǵan jaraqattary saldarynan oqıǵa ornynda qaza tapty.
Eske sala keteıik, budan buryn Oralda avtokóliktiń er adamdy qaǵyp ketkenin jazǵan bolatynbyz. 1997 jylǵy júrgizýshi «Volkswagen Golf» avtokóligimen belgilenbegen jerden ótip bara jatqan jasy 40-50-lerdegi er adamdy qaǵyp ketken. Jaıaý júrginshi sol jerde mert boldy.
Osy úsh oqıǵa boıynsha da QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
Jalpy, oblysta bıylǵy toǵyz aıdyń ishinde 226 jol-kólik oqıǵasynan (ótken jyly osy merzimde – 251) 78 adam (88) qaza taýyp, 294 adam (283) jaraqat aldy.
https://kaz.inform.kz/news/oralda-avtokolik-er-adamdy-kagyp-ketti_a3571303
