BQO-da bir kúnde koronavırýstan 138 adam saýyǵyp shyqty
ORAL. QazAqparat – Batys Qazaqstan oblysynda sońǵy táýlikte indet juqtyrǵan 13 naýqas tirkelip, 138 adam koronavırýstan saýyǵyp shyqty, dep habarlaıdy QazAqparat tilshisi.
BQO densaýlyq saqtaý basqarmasynan málim etkenindeı, sońǵy aptada aldyńǵymen salystyrǵanda, indet juqtyrý kórsetkishi 8,4 paıyzǵa (44 naýqasqa) tómendedi.
Jyl basynan beri oblys boıynsha 14880 adamnan koronavırýs tabylyp, sonyń 9910-ynda aýrý belgileri baıqalsa, 4970-sinde sımptom bolmaǵan.
Naýqastardyń deni, ıaǵnı 55,6 paıyzy (8275) Oral qalasy, 14,3 paıyzy (2130) Báıterek, 11,1 paıyzy (1662) Bórli aýdanynda tirkeldi.
Qazirgi tańda oblysta 442, sonyń ishinde Oral qalasynda 364 naýqas ınfektsııalyq statsıonarlarda emdelip jatsa, sonyń 35-i jansaqtaý bóliminde.
Pandemııa bastalǵannan beri óńirde koronavırýs juqtyrǵan 24101 adamnyń 19356-sy emdelip shyqty. 361 adam kóz jumdy.
Eske sala keteıik, budan buryn BQO-da koronavırýsqa shaldyqqan 34 naýqastyń jansaqtaý bóliminde jatqanyn jazǵan bolatynbyz.
