BQO-da bir kúnde bes júzden astam quqyqbuzýshylyq tirkeldi
ORAL. QazAqparat - Batys Qazaqstanda bir kúnde 539 ákimshilik quqyqbuzýshylyq tirkeldi, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, óńirde 12-14 jeltoqsan aralyǵynda «Quqyq tártibi» jedel aldyn alý sharasy ótkizilýde.
Alǵashqy kúnniń qorytyndysy boıynsha 65 adamnyń usaq buzaqylyqqa barǵany belgili boldy. Sondaı-aq araq iship, qoǵamdyq orynǵa barýdyń 86 deregi tirkelgen. 11 adam avtokólik róline mas nemese esirtkige eltigen kúıinde otyrǵan. Qaýipsizdik belbeýin taqpaýdyń 61 deregi anyqtaldy. Oǵan qosa 9 adam QR kóshi-qon zańdylyǵyn buzǵan.
