BQO-da bir kúnde 18 adam koronavırýstan jazylyp shyqty
ORAL. QazAqparat – Batys Qazaqstan oblysynda bir kúnde 18 adam koronavırýstan jazylyp shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń beseýi – Túrkistan oblysynyń, taǵy beseýi – Oral qalasynyń turǵyndary.
Sondaı-aq Tarazdan 2, Shymkentten 1, Aqtóbeden 1, óńirdiń Tasqala aýdanynan 3, Báıterekten 1 adam bar.
«Baqylaý synamalary báriniń de koronavırýstan emdelgendigin kórsetti. Jaǵdaılary qanaǵattanarlyq. Aýrýhanada emdelip jatqan qalǵan naýqastardyń ishinde aýyr haldegiler joq», dedi QazAqparat tilshisine N.Ahmetova.
Osylaısha, BQO-da saýyǵyp shyqqandar sany 59-ǵa jetti.
Eske sala keteıik, budan buryn BQO ákiminiń koronavırýspen kúresip jatqan dárigerlermen baılanysqa shyqqanyn, sońǵy anyqtalǵan 4 naýqastyń úsheýi sheteldikter ekendigin, aýrý juqtyrǵan bes adamnyń Teńiz ken ornynan kelgenin jazǵan bolatynbyz.
