BQO-da bir kúnde 1440 jol erejesi buzyldy
ORAL. QazAqparat - Batys Qazaqstan oblysynda «Avtobýs» sharasy barysynda 12 aqpan kúni 1440 jol erejesin buzýshylyq tirkeldi, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, sonyń ishinde 460 júrgizýshi rýlde otyryp, telefon men radıostansany paıdalanǵan. 191-i jyldamdyqty shamadan tys arttyrsa, 138-i memlekettik jáne mindetti tehnıkalyq baıqaýdan ótpegen. 29-y jaıaý júrginshini ótkizbese, 8-i avtobýsty zańsyz jabdyqtaǵan. Bir adam rýlge mas kúıinde otyrsa, 9-y jasyryn jolaýshy tasyǵan.
Sonymen qatar 9 avtobýs júrgizýshisiniń tıisti qujattary bolmasa da, halyqaralyq baǵytta jolaýshy tasymaldaýmen aınalysqany anyqtaldy.
Bes derek boıynsha BQO kóliktik baqylaý ınspektsııasynyń sheshimderi qabyldanyp, sonyń ishinde úsh kólik quralynyń ıeleri ákimshilik jaýapkershilikke tartyldy.
Oǵan qosa BQO TJ departamenti qyzmetkerlerimen birge Samara-Shymkent kúre joly boıynda synyp qalǵan halyqaralyq baǵytta júretin eki avtobýs júrgizýshilerine kómek kórsetilip, 75 sheteldik azamat Syrym aýdanynyń taıaý mańdaǵy eldi mekenderine jetkizildi.
