BQO-da bir aıdyń ishinde 700-den astam urlyq tirkeldi
ORAL. QazAqparat - Batys Qazaqstan oblysynda ótken aıda 709 urlyq tirkeldi, dep habarlaıdy «QazAqparat» tilshisi.
Oblys prokýratýrasynyń baspasóz qyzmetinen túsken málimetke qaraǵanda, sonyń ishinde uıaly telefon urlyǵy (169) kóp tirkelgen. Sodan keıin páter urlyǵy 126-ǵa jetse, mal urlyǵy da (66) az emes. Qaltaǵa túsýshiler de (46) barshylyq. Esesine bir ǵana avtokólik qoldy bolǵan eken.
Qazirgi tańda uıaly telefon urylardyń kózqurtyna aınalyp otyr. Bir aıda olar uıaly telefonnyń 31-in qaltadan, 12-sin sómkeden sýyryp áketse, 120-in erkin jymqyrǵan, altaýyn páterden úptep ketken. Uıaly telefon urlyǵynyń 146-sy Oralda, 12-si Zelenov aýdanynda, úsheýi Bórlide tirkelgen.
