BQO-da bir aı buryn joǵalǵan balyqshy áli tabylǵan joq
ORAL. QazAqparat - Batys Qazaqstan oblysynda joǵalyp ketken balyqshy bir aıdan astam ýaqyt boıy tabylmaı jatyr, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, 64 jastaǵy er adam 14 sáýir kúni Terekti aýdany Shaǵan aýyldyq okrýgine qarasty Satym eldi mekeninen bes shaqyrym jerde Jaıyq ózenine balyq aýlaýǵa ketkennen oralmaǵan bolatyn.
Іzdestirý jumystary 16-21 mamyr aralyǵynda da, alty kún boıy júrgizilgenmen, nátıje bolmaı tur.
Osy aýdanda 1978 jylǵy turǵyn 26 sáýir kúni Pokatılov aýyly mańynda balyq aýlaý kezinde Barbastaý ózenine batyp ketken bolatyn. Onyń denesin Oraldaǵy jedel qutqarý jasaǵynyń tórt qyzmetkeri bir tehnıka, bir júzý quralynyń kómegimen 12 mamyr kúni saǵat 14.05-te taýyp, sýdan shyǵardy. Osyǵan baılanysty sot-medıtsınalyq saraptama taǵaıyndaldy.
N.Muqanovanyń sózine qaraǵanda, marqumnyń qandaı jaǵdaıda qaıtqany saraptama negizinde anyqtalady. Krımınaldyq sıpaty bolsa, ishki ister organdary tergeý amaldaryn júrgizedi. Ózi sýǵa ketse, batyp ketken bolyp esepteledi.
Eske sala keteıik, BQO-da joǵalyp ketken balyqshynyń izdestirý jumystary jalǵasyp jatqanyn, ekinshisiniń denesi taptyrmaı otyrǵanyn budan buryn jazǵan bolatynbyz.
