BQO-da bir aptada koronavırýs juqtyrǵandar sany 1 myńnan asty
ORAL. QazAqparat – Batys Qazaqstan oblysynda bir aptada koronavırýs juqtyrǵandar sany 1 myńnan asty, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sońǵy táýlikte 237, bir aptada 1009 adamnan indet anyqtaldy.
Osy kezge deıin oblysta 17507 adam syrqattansa, sonyń 13920-sy jazylyp shyqty. 266 adam kóz jumdy.
Pnevmonııamen aýyrǵan 482 adam statsıonarlyq, 44-i ambýlatorlyq em qabyldaýda.
Invazıvti jasandy tynys alý apparatyna 7, ınvazıvti emes qurylǵyǵa 2, ottegi kontsentratoryna 33, 135 adam ortalyqtandyrylǵan ottegi kózine qosylǵan.
Buǵan deıin 810 tósektik 10 ınfektsııalyq statsıonar bolsa, qazir 1010 tósektik 11 aýrýhanada 627 adam emdelýde. Statsıonarlar 62,1 paıyzǵa tolǵan.
Sonyń ishinde 33 naýqas jansaqtaý bóliminde jatyr. Bulardyń úsheýi – 50-ge deıingiler, altaýy – 50-60, 17-si – 60-80 jas aralyǵyndaǵylar, jeteýi – seksennen asqandar. 28-iniń sozylmaly derti bar, 21-i júrek-qan tamyrlary aýrýlaryna, jeteýi qant dıabetine shaldyqqan.
Oǵan qosa 4 karantındik statsıonarda 17 adam em alýda.
Rezerv retinde 1552 tósek-oryn (787-si ınfektsııalyq, 765-i karantındik) ázirlendi.
Qazirgi ýaqytta naýqastar aýrýhanalarǵa aýyr jáne asa aýyr halde túsip jatyr.
Jyl basynan beri kovıdten 96, sonyń ishinde qańtarda – 28, aqpanda – 15, naýryzda – 30, sáýirde 23 adam qaıtys boldy. Olardyń 52-si – áıelder, 44-i – er adamdar.
Bıyl indet juqtyrǵan balalar sany 599-ǵa jetti.
