BQO-da bir aptada 413 adamnan koronavırýs anyqtaldy
ORAL. QazAqparat – Batys Qazaqstan oblysynda bir aptada - 413, sońǵy táýlikte 51 adamnan koronavırýs anyqtaldy, dep habarlaıdy QazAqparat tilshisi.
BQO Densaýlyq saqtaý basqarmasynyń baspasóz qyzmetinen málim etkendeı, oblys «qyzyl» aımaqqa qaıta kirdi.
Osy kezge deıin oblysta 13878 adam koronavırýs juqtyryp, sonyń 11459-y jazylyp shyqty. 219 adam ómirden ozdy.
Pnevmonııaǵa shaldyqqan 250 adam statsıonarlyq, 40 naýqas ambýlatorlyq em alýda.
Kúni búgin ınvazıvti emes jasandy tynys alý apparatyna - 6, ottegi kontsentratoryna - 14, ortalyqtandyrylǵan ottegi kózine 68 adam qosylǵan.
Infektsııalyq aýrýhanalarda - 275, karantındik statsıonarlarda - 38 adam emdelýde. 16 adam jansaqtaý bóliminde jatyr.
Qyrkúıek aıynan beri aýyrǵan balalar sany 536-ke jetti. Bıyl 358 bala koronavırýs juqtyrǵan.
Chınarev kenishindegi «Jaıyqmunaı» JShS-da jyl basynan beri 35 adamnan indet tabyldy. Al Qarashyǵanaq kenishin ıgerip jatqan «QPO b.v.» kompanııasynda bıyl 48 adamnyń aýyrǵany tirkeldi.
Eske sala keteıik, budan buryn BQO-da sońǵy tórt kúnde 231 adamnan koronavırýs tabylǵanyn jazǵan bolatynbyz.
