BQO-da «BINCLOUD» qarjy pıramıdasy boıynsha sotqa deıingi tergeý bastaldy

NUR-SULTAN. QazAqparat – Qarjylyq monıtorıng agenttiginiń Batys Qazaqstan oblysy boıynsha departamenti qarjy pıramıdasyn uıymdastyrý belgileri boıynsha sotqa deıingi tergeýdi bastady, dep habarlaıdy QazAqparat.

QR Qarjy monıtorıngi agenttigi baspasóz qyzmetiniń habarlaýynsha, «WhatsApp» jáne «Telegram» messendjerleri arqyly azamattardyń aqshalaı qarajatyn tarta otyryp, «BINCLOUD» qarjy pıramıdasy uıymdastyrylǵany anyqtaldy.

«BINCLOUD» baǵdarlamasyna sáıkes jeke tulǵalar belgili bir qarajatqa vırtýaldy maınıng jabdyǵyn jalǵa alady, odan kún saıyn salynǵan somanyń 5-6% mólsherinde ınvestıtsııalyq kiris alady.

Sonymen qatar, klıentterden kiris qarajatyn shyǵarý kezinde qarjy pıramıdasyn uıymdastyrýshylardyń paıdasyna jalpy qarajattyń 16% ustalady.

«Eger siz «BINCLOUD» baǵdarlamasyna qatysyp, zardap shekseńiz, QMA aýmaqtyq departamentterine nemese senim telefony arqyly habarlasýyńyzdy suraımyz»,-delingen habarlamada.