BQO-da bes jasar bala úshinshi qabattan qulap ketti
ORAL. QazAqparat – Batys Qazaqstan oblysynda bes jasar bala úshinshi qabattan qulap ketip, kóz jumdy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, qaıǵyly oqıǵa keshe saǵat 12.13-te Jańaqala aýdanynyń ortalyǵy Jańaqala aýylynda boldy.
Meńdihanov kóshesi boıynda úsh qabatty úıde qaraýsyz qalǵan 2014 jylǵy bala terezeden qulap ketken.
Oqıǵa ornyna jedel járdem brıgadasy (3 qyzmetker, 1 tehnıka) bardy.
BQO TJD ata-analarǵa balalaryn qaraýsyz qaldyrmaýdy suraıdy. Sonymen qatar plastıkalyq terezelerdi ornatý kezinde balalardyń qaýipsizdigin qamtamasyz etý qajettigin eskertedi.
Eske salaıyq, buǵan deıin TJD BQO trassasynda bir adam ajal qushyp, tórt qytaılyq zardap shekkenin, sondaı-aq Oralda er adam poıyz astyna túsip, kóz jumǵanyn habarlaǵan bolatyn.
