BQO-da bes búldirshin qaza bolǵan órttiń aldyn ala sebebi ataldy

ASTANA. KAZINFORM — Tótenshe jaǵdaılar vıtse-mınıstri Kegen Tursynbaev Batys Qazaqstan oblysynda bes balanyń ómirin qıǵan qaıǵyly órttiń boljamdy sebebin atady. 

Vıtse-mınıstrdiń aıtýynsha, balalardyń otpen oınaýynan órt shyǵýy múmkin.

— Balalar oınap júrip, qandaı da bir qaýipsizdik erejelerin buzǵan bolýy yqtımal. Qazir naqty sebebin anyqtaý úshin saraptama júrgizilip jatyr. Bul otbasy burynnan-aq ákimdik esebinde turǵan, ondaı otbasylar týraly barlyq málimet bizdiń vedomstvoǵa da beriledi. Bizdiń jýrnaldarda olardyń úıinde qyrkúıek aıynda profılaktıkalyq jumys júrgizilgeni tirkelgen. Alaıda shamamen bir jarym aı buryn olar basqa páterge kóship ketken, — dedi Kegen Tursynbaev Senat kýlýarynda.

Eske salsaq, 4 maýsym kúni Batys Qazaqstanda órtten bir otbasynan bes bala kóz jumdy.

Oqıǵaǵa baılanysty qylmystyq is qozǵaldy.