BQO-da bes avtokólik soqtyǵysyp, bir adam qaza tapty
ORAL. QazAqparat – Batys Qazaqstan oblysynda bes avtokólik soqtyǵysyp, bir adam qaza tapty jáne eki adam zardap shekti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa búgin shamamen saǵat 10.39-da Aqjaıyq aýdanynyń Alǵabas aýyly tusynda respýblıkalyq jol boıynda boldy.
Lada granta, Volkswagen Passat, Toyota Camry, VAZ-2114 jáne Chevrolet Aveo avtokólikteri bir birine soǵylǵan. Sonyń saldarynan Lada granta avtokóliginde otyrǵan jolaýshy kóz jumdy. Sondaı-aq túrli jaraqat alǵaan úsh adam Aqjaıyq aýdandyq ortalyq aýrýhanasyna jetkizildi. Osy oqıǵa boıynsha Qylmystyq kodekstiń 345-babyna sáıkes tergeý amaldary júrgizilýde.
Eske sala ketsek, jyl basynan beri oblys aýmaǵynda 12 jol-kólik oqıǵasynan 5 adam mert boldy.
BQO polıtsııa departamenti jol erejesin saqtaý kerektigin eske salady. Ásirese, qolaısyz aýa raıy kezinde asa saq bolý qajet.
