BQO-da belgisiz bireýler beıittegi eskertkish belgilerdi qıratyp ketken

ORAL. QazAqparat – Batys Qazaqstan oblysynda belgisiz bireýler beıittegi eskertkish belgilerdi qıratyp ketken, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa 26 mamyr kúni Báıterek aýdany Trekın aýylynda boldy.

Saǵat 19.00-de pravoslav zıratynda 14 eskertkish belginiń qıratylǵany anyqtaldy.

«Atalǵan derek aqparatty tirkeý kitabynda tirkeldi. Qazirgi kezde QR QK 314-babyna (qaıtqan adamdardyń máıitterin jáne olar jerlengen jerlerdi qorlaý) sáıkes sotqa deıingi tergeý amaldary júrgizilýde. Osy oqıǵaǵa qatysy bar adamdar anyqtalý ústinde», dep habarlady vedomstvodan.

Aýyl turǵyndary jedel qımyldaǵan polıtsııa qyzmetkerlerine alǵysyn bildirdi.

Eske sala keteıik, budan buryn Batys Qazaqstanda malǵa qasqyrdyń shabýy jıilep ketkenin jazǵan bolatynbyz.

Sondaı-aq Oralda qyzdy zorlaǵan taksıst pen onyń tanysy 8 jylǵa sottaldy.