BQO-da bekire tuqymdas balyqty zańsyz tasymaldaǵan er adam ustaldy

ORAL. KAZINFORM – BQO-da Oral – Atyraý tas jolynda bekire tuqymdas balyqty zańsyz tasymaldaǵan er adam ustaldy. 

BQO Báıterek aýdanyna qarasty Şapov aýyly mańynda Oral – Atyraý avtojolynda patrýldik polıtsııa batalonynyń qyzmetkerleri Hyundai Accent kóligin toqtatty. Kólik tizgininde 31 jastaǵy er adam bolǵan.

Polisia.kz portalynyń málimetinshe, tekserý barysynda tıisti ruqsat qujattary joq bekire tuqymdas (sterlıad) 10 balyq anyqtaldy. Sonymen qatar arnaıy aý jáne balyq aýlaýǵa arnalǵan qarmaqtar tárkilendi. 

Qyzyl kitapqa engen jáne joıylyp ketý qaýpi tóngen janýarlar túrlerimen zańsyz aınalysý faktisi boıynsha sotqa deıingi tergeý bastaldy. Keltirilgen zalal kólemi anyqtalyp jatyr. 

Polıtsııa tabıǵatqa keltirilgen zalal úshin jaýapkershilik qatań ekenin eskertedi.

Eske sala keteıik, buǵan deıin Atyraýda Jaıyq ózenine bekireniń 2,1 mln shabaǵy jiberilgenin habarlaǵan bolatynbyz.