BQO-da «Báıterek» bazarynda konteınerler órtendi
ORAL. QazAqparat - Búgin Zelenov aýdany Mıchýrın aýylyndaǵy «Báıterek» avtobazarynda órt shyqty, dep habarlaıdy QazAqparat tilshisi.
BQO TJ departamentinen túsken málimetke qaraǵanda, Prıdorojnaıa kóshesi 18-mekenjaıynda ornalasqan bazarda saǵat 08.36 shamasynda 4 vagon men 2 konteıner janǵan.
Saǵat 09.51-de sóndirilgen órt aýmaǵy 110 sharshy metrdi qamtydy. Zardap shekkender joq.
Aldyn ala boljam boıynsha ot elektr qural-jabdyqtaryn paıdalaný kezinde órt qaýipsizdigi erejesin saqtamaýdan shyqqan.
Qazirgi kezde órtten kelgen shyǵyn, kináliler anyqtalý ústinde.
