BQO-da barlyq joldar jabyldy
ORAL. QazAqparat - Batys Qazaqstan oblysynda barlyq baǵyttar boıynsha joldar jabyldy, dep habarlaıdy «QazAqparat» HAA tilshisi.
BQO TJ departamentiniń jedel kezekshisi Rollan Nurjanovtyń aıtýynsha, Oral qalasy men aýdandarda qazir boran soǵyp tur. Osyǵan baılanysty turǵyndarǵa qala men eldi mekenderden shyqpaý týraly eskertý berilip, tıisti sharalar alynýda.
Eske sala keteıik, budan buryn «Qazgıdromet» RMK BQO fılıalynyń málimeti boıynsha 5 aqpan kúni BQO-nyń keı jerlerinde qar jaýyp, burqasyn kóterilip, ońtústik-shyǵystan soǵatyn jeldiń jyldamdyǵy sekýndyna 15-20 metrge deıin jetetini jóninde habarlanǵan bolatyn.
