BQO-da balyq aýlaımyn dep, muzdyń astyna túsip ketken eki adam qutqaryldy
ORAL. QazAqparat – Batys Qazaqstan oblysynda eki er adam balyq aýlaımyn dep, muzdyń astyna túsip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 21 qarasha kúni Terekti aýdany Saryómir aýyldyq okrýgindegi Shalqar kólinde oryn aldy.
Muzdyń astyna túsip ketken 41 jasar eki er adamdy saǵat 17.25-te qutqarýshylar aman alyp qaldy. Jedel qutqarý jasaǵy №5 bólimshesiniń basshysy Temirbek Ýahıtov, qutqarýshylar Tıhan Quttybaev pen Asylbek Maıtanov der kezinde kómekke keldi.
Zardap shekkender Saryómir aýylyndaǵy medpýnktke jetkizildi.
