BQO-da balyq aýlaýǵa shyqqan eki adam sýǵa ketti
ORAL. QazAqparat – Batys Qazaqstan oblysynda balyq aýlaýǵa shyqqan eki er adam sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa Aqjaıyq aýdany Jambyl aýyldyq okrýgi Kóshim arnasynda boldy.
31 jáne 32 jastaǵy eki er adam 2 qarasha kúni balyq aýlaýǵa ketkennen oralmaǵan.
4 qarasha kúni saǵat 10.00-den bastap jedel qutqarý jasaǵynyń kúshimen (10 qyzmetker, 2 júzý quraly, 2 tehnıka) izdestirý jumystary júrgizildi.
Saǵat 14.46-da 1988 jylǵy, 15.02-de 1987 jylǵy azamattyń denesi tabylyp, sýdan shyǵaryldy.
