BQO-da balyq aýlap júrgen eki adam sýǵa ketti
ORAL. QazAqparat - Batys Qazaqstan oblysynda balyq aýlap júrgen adamdardyń sýǵa ketýine baılanysty bir kúnde eki oqıǵa tirkeldi.
BQO TJ departamentinen túsken málimetke qaraǵanda, keshe saǵat 18.00-de Aqjaıyq aýdany Mergen aýyldyq okrýgi aýmaǵynda, Pervomaı aýylynan 18 shaqyrym jerde Grachı-1 ózeninen balyq aýlaý kezinde Chapaev aýylynyń 1957 jylǵy turǵyny sýǵa ketken.
Ózen ortasynda qaıyq aýdarylyp, sodan balyqshy da birge ketken. Balyqshynyń denesin oqıǵa kýágerleri shyǵaryp alǵan.
Osyǵan uqsas oqıǵa Terekti aýdany Dolınnyı aýyly mańynda Solıanka ózeninde 16 qazan kúni saǵat 12.30-da oryn aldy. Munda 1988 jylǵy turǵyn balyq aýlaý kezinde sýǵa ketken. Onyń denesin qutqarýshylar (3 adam, 1 tehnıka) izdestirgenimen, áli tabylmaı otyr.
Qazirgi kezde atalǵan oqıǵalardyń jaı-japsary anyqtalý ústinde.
