BQO-da balalardy tamaqtandyrý boıynsha 37 mln teńge turatyn 12 konkýrstyń kúshi joıyldy

ORAL. KAZINFORM — Jánibek aýdanynyń bilim berý bólimi bıylǵy 29 qańtarda 1-4 synyptarda oqıtyn 731 balaǵa tamaq uıymdastyrý boıynsha 37 mln 608,176 myń teńgege 12 konkýrs jarııalady. 

BQO prokýratýrasynyń baspasóz qyzmetinen málim etkenindeı, konkýrstyq qujattamany zerdeleý barysynda bilim bólimi ázirlegen perspektıvalyq mázirdiń sanıtarııalyq-epıdemıologııalyq talaptarǵa sáıkes kelmeıtini anyqtaldy.

Atap aıtqanda, keıbir kúnderi balalardyń kúndelikti ratsıonynda bolýy tıis sút, qant jáne maı kórsetilmegen.

Sonymen qatar mázirge 5 komponentten turatyn kúrdeli salat engizilgen. Bul Densaýlyq saqtaý mınıstriniń «Qoǵamdyq tamaqtaný obektilerine qoıylatyn sanıtarııalyq-epıdemıologııalyq talaptar» sanıtarlyq qaǵıdalaryn bekitý týraly buıryǵynyń talaptaryn buzý bolyp esepteledi.

Sondaı-aq tıisti 200 gramm shyrynnyń ornyna atalmysh mázirde osy sýsynnyń kólemi tómendetilgen. ıAǵnı 165 gramm bolyp ketken.

— Jánibek aýdany prokýratýrasynyń narazylyǵy boıynsha konkýrstardyń kúshi joıyldy. Aýdan prokýratýrasy qadaǵalaý qyzmeti aıasynda memlekettik satyp alý salasyndaǵy zańnamanyń saqtalýyn baqylaýdy jalǵastyrýda, - dep habarlady vedomstvodan.

Eske sala keteıik, budan buryn BQO-da sýbsıdııa berý kezinde memleketke 7 mıllıonǵa jýyq teńge shyǵyn keltirilgenin jazǵan bolatynbyz.