BQO-da balalar shyǵarmashylyǵy baıqaýy márege jetti

ORAL. QazAqparat - «Jaıyq Press» JShS májilis zalynda búgin oblystyq «Oral óńiri» gazeti redaktsııasy QR Táýelsizdiginiń 25 jyldyǵyna oraı uıymdastyrǵan dástúrli balalar shyǵarmashylyǵy baıqaýynyń júldegerleri marapattaldy, dep habarlaıdy QazAqparat HAA tilshisi.

Gazettiń bas redaktory, Qazaqstan Jazýshylar odaǵynyń múshesi, ózi de balalarǵa arnap týyndylar jazatyn Baýyrjan Ǵubaıdýllınniń aıtýynsha, jas jetkinshekterdi ádebıet álemine jeteleý, olardy otanshyldyq rýhta tárbıeleý maqsatynda atalmysh baıqaý jylma-jyl ótkizilip keledi. Bıyl aýdandar ǵana emes, qala mektepterinen qatysýshylardyń kóbeıýi qýantady. Olar óz shyǵarmalaryna Táýelsizdik, Jeltoqsan kóterilisi,  sport, týǵan jer jáne basqa taqyryptardy arqaý etken. Aldaǵy jyly bul baıqaý oblystyq gazettiń 100 jyldyq torqaly toıyna arnalmaqshy.
 

Sonymen, Jańaqala aýdanynan Jańaqala mektep-gımnazııasynyń 4-synyp oqýshysy Erasyl Jupmaǵambet, Qaratóbe aýdany Egindikól orta mektebiniń 5-synyp shákirti Kámıla Tólegenova, Oral qalasyndaǵy №47 mektepten Aqerke Jylqaıdar, №2 mektepten Arman Baǵdatuly, №19 mektepten Beknur Shatulan, №1 mektepten Aqkerbez Baýyrjanqyzy men Aǵynǵalı Janys túrli atalymdar boıynsha úzdik shyǵyp, olarǵa dıplom, aqshalaı jáne zattaı syılyqtar tabys etildi.
 

Aıta keteıik, baıqaýǵa «Maqsat» medıtsına kolledji (dırektory Maqsot Bergen), «Kazkontrakshngrýpp» JShS (Qusaıyn Baqtııaruly) jáne Batys Qazaqstan oblystyq telekommýnıkatsııa dırektsııasy demeýshilik etti.