BQO-da balabaqshalarǵa kezekshi topqa 25 balaǵa deıin keletin boldy
BQO bas memlekettik sanıtar dárigeriniń orynbasary Nurlybek Mustaevtyń málim etkenindeı, bıylǵy 8 aqpandaǵy №5 qaýlyǵa ózgerister engizildi.
Onyń aıtýynsha, buryn mektepke deıingi balalar uıymdarynda kezekshi toptardaǵy bala sany 15-ten aspaıtyn edi. Endi QR Bas memlekettik sanıtar dárigeri №67 qaýlysy talaptaryn saqtaı otyryp, kezekshi toptarǵa 25 balaǵa deıin kelýge ruqsat etildi.
Sol sekildi saýnalar (tolymdylyǵy 50 paıyzdan aspaýy tıis, 1 kelýshige keminde 4 sharshy metr esebinde) tek jeksenbi kúnderi ǵana jumys jasamaıdy.
Al ЅRA ortalyqtar, basseınder bekitilgen jumys kestesine sáıkes (tolymdylyǵy 50 paıyzdan aspaýy tıis, 1 kelýshige keminde 4 sharshy metr esebinde) kún saıyn jumys isteıdi.
Eske sala keteıik, budan buryn Batys Qazaqstanda 100-den astam pedagogtyń koronavırýsqa qarsy ekpe alǵanyn, Kórisý kúni jáne Naýryz meıramyna oraı jınalýǵa tyıym salynǵanyn jazǵan bolatynbyz.
