BQO-da balabaqsha býhgalteri 30 mln teńgeden astam bıýdjet qarjysyn ıemdendi degen kúdikke ilindi
ASTANA. KAZINFORM — Batys Qazaqstan oblysynyń Syrym aýdanynda balabaqsha býhgalteri ózine joǵary jalaqyny zańsyz tóleý arqyly 30 mln teńgeden astam bıýdjet qarajatyn ıemdendi dep kúdiktelip otyr.
Aýdan prokýratýrasynyń júrgizgen tekserisi nátıjesinde balabaqsha esepshisi ózine shtattyq keste boıynsha bekitilgen eńbekaqydan joǵary mólsherde qosymsha qarajatty óziniń banktik esep-shotyna 5 jyl boıy negizsiz aýdaryp kelgeni anyqtaldy.
Osy fakt boıynsha prokýratýra Qylmystyq kodekstiń 189-baby 4-bóligi 2)-tarmaǵy boıynsha sotqa deıingi tergep-tekserýdi bastap (asa iri mólsherde senip tapsyrylǵan múlikti zańsyz ıemdený),tergeý júrgizýdiBatys Qazaqstan oblysy boıynsha Ekonomıkalyq tergeý departamentine tapsyrdy. Qazirgi ýaqytta sotqa deıingi tergep-tekserý júrgizilip jatyr.
Osy normanyń sanktsııasy kináli tulǵanyń múlkin tárkilep, belgili bir laýazymdardy atqarýǵa nemese belgili bir qyzmetpen aınalysýǵa tyıym sala otyryp, 12 jylǵa deıin bas bostandyǵynan aıyrýdy qarastyrady.
Qazaqstan Respýblıkasy Qylmystyq-protsestik kodeksiniń 201-babyna sáıkes ózge de mán-jaılar jarııa etýge jatpaıdy.
Aıta ketelik Semeı ormanynyń 80 qyzmetkerine 41 mln teńge jalaqy qaryzy tólengen edi.
