BQO-da azǵyndyqpen aıyptalǵan turǵyn tergeýshige para bermek bolǵan
Oral qalalyq sotynda Bolat Qajıpovqa qatysty úkim shyǵyp, ol QK-tiń 24-baby 3-bóligi - 367-babynyń 1-bóligine sáıkes aıypty dep tanyldy.
Oralǵa qarasty Serebrıakov aýylyndaǵy orta mektepte elektrık bolyp jumys jasap júrgen 52 jastaǵy B.Qajıpovqa bıylǵy 5 shildede Shaǵan polıtsııa bóliminde QR QK 124-baby 1-bóligine (jas balalardy azǵyndyq jolǵa túsirý) sáıkes aıyp taǵylyp, tergeý jumystary bastalǵan bolatyn.
Budan keıin sottalýshy tergeýshiniń oń sheshim qabyldaýy úshin onyń uıaly telefonynyń nómirin bilip, «Kaspi Bank» qosymshasy arqyly 50 myń teńge aýdaryp jibergen.
Alaıda tergeýshi bul jóninde BQO polıtsııa departamentiniń ózindik qaýipsizdik basqarmasyna habarlap, para alýdan bas tartqan.
Úkimge sáıkes B.Qajıpovqa paranyń 11,25 eselengen somasy mólsherinde 562,5 myń teńge aıyppul salyndy. Ol aıyppuldy bir aı ishinde tóleýi kerek.
Úkim zańdy kúshine engen joq.
BQO polıtsııa departamentiniń baspasóz qyzmeti B.Qajıpovqa qatysty QR QK 124-baby 1-bóligine sáıkes qozǵalǵan qylmystyq istiń sotqa jiberilgenin jetkizdi.
Kúdikti qamaýda otyr.
Eske sala keteıik, budan buryn BQO-da órt sóndirý bóliminiń bastyǵyn óltirgen qylmyskerdiń 11 jylǵa sottalǵanyn jazǵan bolatynbyz.