10:45, 03 Qyrkúıek 2016 | GMT +5
BQO-da Azamat soǵysy kezinen qalǵan snarıad tabyldy
ORAL. QazAqparat - Aqjaıyq aýdany Іlbishin aýylynyń turǵyny úıine sý ótkizbekshi bolyp, qazý jumystarymen aınalysqan kezde Azamat soǵysynan qalǵan snarıadty tapty.
BQO ishki ister departamentiniń baspasóz qyzmetinen túsken málimetke qaraǵanda, turǵynnyń úıinen 5 metr jerde jatqan snarıadtyń uzyndyǵy 32 sm, dıametri 76 mm bolyp shyqty.
Jarylǵysh zat arnaıy mamandardyń qatysýymen barlyq qaýipsizdik sharalary qoldanyla otyryp, joıyldy.
Aıta keteıik, BQO aýmaǵynda Azamat jáne Uly Otan soǵysy kezinen qalǵan snarıadtar budan buryn da tabylǵan bolatyn.