BQO-da áıeline álimjettik jasaǵan polıtseı qyzmetinen qýyldy
ORAL. QazAqparat – BQO-da áıeline álimjettik jasaǵan polıtseı qyzmetinen qýyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, tártiptik komıssııa patrýldik polıtsııa batalonynyń ınspektory, polıtsııa aǵa leıtenanty Haıdar Jeksenovti polıtsııa qyzmetkeri ataǵyna kir keltirgen dep tapty.
Sol úshin H.Jeksenov ishki ister organynan shyǵaryldy.
Qazirgi kezde áıeli Ásel Alqanovanyń aryzy boıynsha H.Jeksenovke qatysty QR QK 115-babyna (qorqytý) sáıkes tergeý amaldary jalǵasýda.
Eske sala keteıik, budan buryn BQO-da áıeline qol jumsaǵan polıtsııa qyzmetkerine qatysty tergeý júrgizilip jatqanyn jazǵan bolatynbyz.
