BQO-da avtokólikti aıdap ketip, aýdaryp tynǵandar 1,5 mln teńge tóleıtin boldy
ORAL. QazAqparat - Shyńǵyrlaý aýdandyq sotynda avtokólikti aıdap ketý deregi boıynsha aýdan turǵyndaryna qatysty qylmystyq iske núkte qoıyldy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, sottalýshylar kisi joqtyǵyn paıdalanyp, úıdiń janynda turǵan avtokólikti zańsyz ıemdenip, keıin kólik rýline ıe bola almaı, aýdarylǵan. Sonyń saldarynan avtokólik tolyq jaramsyz bolyp, jábirlenýshige 1,5 mln teńge kóleminde zalal keltirilgen.
Sot talqysynda sottalýshylar kinásin tolyq moıyndap, ókinetinderin bildirdi.
Sot úkimimen sottalýshylar QR QK 200-baby 3-bóligine sáıkes aıypty dep tanylyp, QR QK 55-baby 3-bóligi qoldanylyp, árqaısysyna 4 jyl bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteý belgilendi.
Jábirlenýshiniń paıdasyna 1,5 mln teńge materıaldyq shyǵyn óndirildi.
Úkim zańdy kúshine engen joq.
