BQO-da avtokólik jylqymen soqtyǵysyp, eki adam aýrýhanaǵa jetkizildi
ORAL. QazAqparat - Batys Qazaqstan oblysynda avtokólik jylqymen soqtyǵysyp, eki adam aýrýhanaǵa jetkizildi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 2 qańtar kúni keshkisin Aqjaıyq aýdany aýmaǵynda oryn aldy.
Saǵat 20.58-de Chapaev-Qaztalov jolynyń 25-shaqyrymynda 1997 jyly shyǵarylǵan Daewoo Lanos avtokóliginiń jylqymen túıiskeni jóninde habar kelgen.
Chapaev trassalyq-medıtsınalyq beketi qyzmetkerleriniń kúshimen (4 adam, 1 tehnıka) eki adam Aqjaıyq aýdandyq aýrýhanasyna evakýatsııalandy.
Qazirgi kezde oqıǵanyń jaı-japsary anyqtalý ústinde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 1961 jylǵy er adam oń qolynyń bileziginen jaraqat alyp, jambasy kógergen. 1964 jylǵy er adamnyń moıyn tusy kógerip, basynan jaraqat alǵan. Ekeýi de ambýlatorııalyq em alýǵa jiberildi.
