BQO-da avtokólik jylqylarǵa soqtyǵysyp, úsh adam jaraqat aldy
ORAL. QazAqparat – Batys Qazaqstan oblysynda avtokólik jylqylarǵa soqtyǵysyp, úsh adam jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe saǵat 19.50 shamasynda Aqsaı-Bórli jolynyń 10-shaqyrymynda bolǵan.
1958 jylǵy er adam aıdaǵan Mıtsýbısı avtokóligi úsh jylqyǵa soqtyǵysqan.
Sonyń saldarynan 1957 jylǵy eki jáne 1960 jylǵy áıel adamdar túrli jaraqat aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, aýrýhanaǵa jaraqat alǵandar basqa kólikpen ózderi kelgen.
Buǵanasy synǵan 1957 jáne 1960 jylǵy áıel ambýlatorlyq em alýǵa jiberildi. Keýde tusyna zaqym kelgen 1957 jylǵy taǵy bir áıel dárigerdiń baqylaýyna qaldyryldy.
Eske sala keteıik, bul óńirdegi bıylǵy birinshi oqıǵa emes. Budan buryn avtokóliktiń jylqymen soqtyǵysyp, eki adamnyń aýrýhanaǵa jetkizilgenin jazǵan bolatynbyz.
