BQO-da avtokólik jylqyǵa soqtyǵysyp, júrgizýshi asa aýyr kúıde aýrýhanaǵa jetkizildi
ORAL. QazAqparat – Batys Qazaqstan oblysynda avtokólik jylqyǵa soqtyǵysyp, júrgizýshi asa aýyr kúıde aýrýhanaǵa jetkizildi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 23 jeltoqsan kúni saǵat 00.52 shamasynda Chapaev-Jalpaqtal joly boıynda oryn aldy.
Chapaev trassalyq medıtsınalyq-qutqarý beketiniń brıgadasy oqıǵa ornyna shuǵyl jetip, «VAZ-21012» avtokóliginiń jylqyǵa soqtyǵysyp, 1998 jylǵy júrgizýshiniń aýyr jaraqat alǵandyǵyn anyqtady.
Brıgada jedel kómek kórsete otyryp, jas jigitti asa aýyr jaǵdaıda Aqjaıyq aýdandyq ortalyq aýrýhanasyna jetkizdi. Keıin dárigerler júrgizýshiniń bas súıegi men mıyna zaqym kelgen dep tapty.
Oblystyq densaýlyq saqtaý basqarmasy júrgizýshiniń jaǵdaıy asa aýyr ekendigin rastady.
«Óte aýyr halde jansaqtaý bóliminde jatyr. Ota jasaýǵa, qalaǵa tasymaldaýǵa jaǵdaıy kelmeıdi», dedi densaýlyq saqtaý basqarmasynyń baspasóz hatshysy Aınagúl Saqposynova.
Qazirgi kezde oqıǵanyń jaı-japsary anyqtalý ústinde.
