BQO-da avtokólik jylqyǵa soqtyǵysyp, 40 jastaǵy áıel kóz jumdy

ORAL. QazAqparat - Batys Qazaqstan oblysynda avtokólik jylqyǵa soqtyǵysyp, 40 jastaǵy áıel kóz jumdy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 20 shilde kúni shamamen saǵat 22.45-te Syrym aýdany aýmaǵynda boldy.

«Respýblıkalyq mańyzy bar Samara-Shymkent avtojolynyń 415-shaqyrymynda 1984 jylǵy júrgizýshi»Nıssan Tıana«avtokóligimen jolǵa shaýyp shyqqan jylqyny qaqqan. Sonyń saldarynan avtokólikte otyrǵan 1983 jylǵy áıel oqıǵa ornynda qaza tapty. Júrgizýshi men jolaýshy - Aqtóbe oblysynyń turǵyndary. Atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde. Sonymen qatar ákimshilik hattama toltyrý úshin maldy baǵymsyz jibergen ıesi anyqtalý ústinde», dep habarlady vedomstvodan.