BQO-da avtokólik jylqyǵa soǵylyp, bir otbasynyń 3 adamy kóz jumdy
ORAL. QazAqparat - Batys Qazaqstan oblysynda avtokólik jylqyǵa soǵylyp, bir otbasynyń úsh adamy qaza tapty, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 16 mamyr kúni saǵat 22.30 shamasynda Aqjaıyq aýdany aýmaǵynda boldy.
Oral-Atyraý jolynyń 75-shaqyrymynda Alǵabas aýyly tusynda 1967 jylǵy júrgizýshi aıdaǵan «VAZ-21113» avtokóligi eki jylqymen soǵylǵan.
Jol apaty saldarynan saldarynan júrgizýshige qosa onyń 85 jastaǵy anasy men 13 jasar uly oqıǵa ornynda kóz jumdy.
Múrdeler sot-medıtsınalyq saraptamaǵa jiberildi.
Sondaı-aq túrli jaraqat alǵan 61 jáne 50 jastaǵy áıelder Aqjaıyq aýdandyq ortalyq aýrýhanasyna jetkizildi.
BQO TJ departamentiniń baspasóz qyzmetinen túsken málimetke qaraǵanda, aýrýhanaǵa túsken eki adamnyń jaǵdaıy ortasha.
Oqıǵa ornynda TJ jáne polıtsııa departamentiniń qyzmetkerleri jumys jasady.
