BQO-da avtokólik jylqyǵa soǵylyp, bir adam kóz jumdy
BQO densaýlyq saqtaý basqarmasynyń baspasóz qyzmetinen málim etkenindeı, oqıǵa 31 shilde kúni Shyńǵyrlaý-Aqsaı jolynda boldy.
«Jol apaty Aqsaı qalasynan 15 shaqyrym jerde oryn aldy. Jedel járdem saǵat 23.33-te shaqyrtyldy. Brıgada 11 mınýttan keıin oqıǵa ornynda boldy. Jol apaty saldarynan 1996 jylǵy jigit mert boldy. 22 jastaǵy jigit Shyńǵyrlaý aýdandyq aýrýhanasyna jetkizildi. Jaǵdaıy ortasha aýyr. Bas pen mıdyń jabyq jaraqatyn alyp, mıy shaıqalǵan. Tıisti emin alyp jatyr», dep habarlady vedomstvodan.
BQO polıtsııa departamentiniń baspasóz qyzmeti oqıǵany rastap, QR Qylmystyq is júrgizý kodeksiniń 201-babyna sáıkes sotqa deıingi tergep-tekserý derekteri jarııa etýge jatpaıtynyn jetkizdi.
Eske sala keteıik, budan buryn Oralda eki avtobýstyń soqtyǵysýynan zardap shekkender sany 16-ǵa jetkenin jazǵan bolatynbyz.