BQO-da avtokólik jylqyǵa soǵyldy
ORAL. QazAqparat - Batys Qazaqstan oblysynda avtokólik jylqyǵa soqtyǵysty, dep habarlaıdy «QazAqparat» tilshisi.
Qaratóbe aýdandyq ishki ister bólimi jol polıtsııasynyń aǵa ınspektory Aıbek Arsenovtiń aıtýynsha, oqıǵa búgin saǵat 06.45 shamasynda Jympıty-Qaraqamys jolynyń 93-shaqyrymynda oryn aldy. «Lada 21703» nyspyly avtokólik jol boıynda jaıylyp júrgen eki bas jylqymen soqtyǵysqan.
Oqıǵa saldarynan jylqynyń ekeýi de mert boldy. Abyroı bolǵanda, adamdar aman.
Maldyń ıesi anyqtalyp, jylqyny qaraýsyz jibergeni úshin ákimshilik jaýapkershilikke tartyldy.
