BQO-da avtokólik júrgizýshimen birge janyp ketti

ORAL. QazAqparat – Batys Qazaqstan oblysynda avtokólik júrgizýshimen birge janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 6 qyrkúıek kúni Jańaqala aýdanynda órt sóndirý bóliminen 75 shaqyrym jerde boldy.

«Saǵat 17.59-da Chapaev-Jańaqala jolynyń 55-shaqyrymynda Toyota Hilux avtokóligi aýdaryldy. Sonyń saldarynan avtokólik otqa orandy. Órt sóndirýshiler kelip jetken mezgilde kólik túgeldeı janyp ketken. Qutqarýshylar 1973 jylǵy er adamnyń múrdesin alyp shyqty. Kólikte jalǵyz bolǵan ol qystyrylyp, shyǵa almaı qalǵan», dep habarlady vedomstvodan.

BQO polıtsııa departamenti oqıǵany rastap, aqparatty keıin beretinin jetkizdi.

Eske sala keteıik, budan buryn Batys Qazaqstanda dalalyq jer órtenip jatǵanyn jazǵan bolatynbyz.