BQO-da avtokólik ózenge qulap, bir adam qaza tapty
ORAL. QazAqparat – Batys Qazaqstan oblysynda avtokólik sýǵa ketip, júrgizýshi qaza tapty, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa búgin, tańǵy saǵat 09.00 shamasynda Aqjaıyq aýdany Taıpaq aýylynda boldy.
Jaıyq ózeninen parommen óter kezde VAZ-2110 avtokóliginiń tejegishi istemeı qalyp, sýǵa túsip ketken.
Avtokólik ıesi, 36 jastaǵy azamat Janama aýylynan Taıpaq aýylyna jumysqa bara jatqan.
Saǵat 12.15-te jedel qutqarý jasaǵynyń kúshimen (4 adam, 1 tehnıka) marqumnyń denesi kólikten shyǵaryldy.
BQO Polıtsııa departamenti baspasóz qyzmetiniń naqtylaýynsha, osy oqıǵa boıynsha QR QK 344-baby 2-bóligine sáıkes (abaısyzda adam ólimine ákep soqqan temirjol, áýe, teńiz nemese ózen kóligi júrisi nemese olardy paıdalaný qaýipsizdigi qaǵıdalaryn buzý) qylmystyq is qozǵaldy.
Eske sala keteıik, budan buryn Oralda eki jeńil kólik túıisip, 4 adamnyń jaraqat alǵanyn jazǵan bolatynbyz.
