BQO-da avtokólik qaǵyp ketken er adam qaza tapty
ORAL. QazAqparat - Batys Qazaqstan oblysynyń Aqsaı qalasynda avtokólik qaǵyp ketken er adam qaza tapty, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 23 aqpan kúni keshkisin oryn aldy.
Saǵat 18.58-de jedel járdemge qońyraý túsken. Oqıǵa kýágeri bolǵan qyz Temirjol kóshesinde jaıaý júrginshini avtokólik qaǵyp ketkenin habarlaǵan.
Marqum jedel járdem kelgenshe qaıtys bolyp ketken.
Beınejazbadan er adamnyń avtokólikten túskeni anyq kórinedi. Sodan keıin joldy kesip ótpek bolǵanda, taǵy bir avtokólik qaǵyp ketken.
Aıta keteıik, budan buryn, 22 aqpan kúni Oral-Atyraý joly boıynda qalaǵa qarasty Serebrıakov kentine burylar tusta eki jeńil kólik túıisip, tórt adam jaraqat alǵan edi. 1934, 1989, 1997 jylǵy er jáne 1960 jylǵy áıel adam oblystyq kópbeıindi aýrýhanaǵa jetkizildi. Jaraqattary aýyr bolmaǵandyqtan, keıin bári ambýlatorlyq em alýǵa jiberildi.
