BQO-da avtokólik aýdarylyp, eki adam zardap shekti
ORAL. QazAqparat – Batys Qazaqstan oblysynda avtokólik aýdarylyp, eki adam zardap shekti, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkenindeı, oqıǵa 23 mamyr kúni Oral-Atyraý jolynda Aqjaıyq aýdany aýmaǵynda boldy.
Shamamen saǵat 13.20-da Mergen aýyly tusynda 36 jastaǵy áıel tehnıkanyń aqaýy saldarynan Toyota Camry avtokóliginiń rýline ıe bola almaı qalyp, aýdarylýǵa jol bergen.
Sonyń saldarynan júrgizýshi men 1987 jylǵy jolaýshy túrli jaraqattarmen Aqjaıyq aýdandyq ortalyq aýrýhanasyna jetkizildi.
Qazirgi kezde oqıǵanyń mán-jaıy anyqtalý ústinde.
Eske sala keteıik, budan buryn Oralda jeńil kólik avtobýspen túıisip, eki adamnyń jaraqat alǵanyn jazǵan bolatynbyz.
