BQO-da avtokólik aýdarylyp, aǵaly-inili jigitter aýrýhanaǵa jetkizildi
ORAL. QazAqparat – Batys Qazaqstan oblysynda avtokólik aýdarylyp, aǵaly-inili jigitter aýrýhanaǵa jetkizildi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkendeı, oqıǵa 11 qyrkúıek kúni Oral-Atyraý jolynyń 80-shaqyrymynda Aqjaıyq aýdany Býdarın aýyly tusynda bolǵan.
27 jastaǵy júrgizýshi Daewoo Nexia avtokóliginiń rýline ıe bola almaı, jol jıegine shyǵyp ketip, aýdarylyp qalǵan.
Oqıǵa ornyna jedel jetken apattyq medıtsına ortalyǵy trassalyq medıtsınalyq-qutqarý beketiniń qyzmetkerleri júrgizýshi men onyń 24 jastaǵy inisine alǵashqy medıtsınalyq kómek kórsetti. Qatty qorqyp qalǵan olarǵa psıholog ta járdem berdi.
Júrgizýshiniń sol qolynyń bilezik súıegi synǵan. Qutqarýshylar onyń qolyn tańyp, qandy toqtatty. Іnisiniń jaǵdaıy qalypty, degenmen tolyq qaralý úshin ol da aýrýhanaǵa jetkizildi.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Batys Qazaqstanda 60-tan astam dala órti tirkelgenin jazǵan bolatynbyz.
