BQO-da avtokólik asfalt tóseıtin mashınamen soqtyǵysyp, bir adam qaza boldy
ORAL. QazAqparat – Batys Qazaqstan oblysynda jol apatynan 25 jastaǵy jigit mert boldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 5 qarasha kúni saǵat túngi 00.10 shamasynda Bókeı ordasy aýdany ortalyǵy Saıqyn aýylynda boldy.
22 jastaǵy júrgizýshi orta dárejeli mas kúıinde «Aýdı-80» avtokóliginiń rýline ıe bola almaı, kóshede jol-kólik oqıǵasyn jasaǵan. Ol qarsy betke shyǵyp ketip, 26 jastaǵy júrgizýshiniń basqarýyndaǵy asfalt tóseıtin «SUPER 1600-2» avtokóligimen soqtyǵysýǵa jol bergen.
Jol apaty saldarynan «Aýdı-80» avtokóliginde bolǵan 25 jastaǵy jigit oqıǵa ornynda kóz jumdy. Kóptegen jaraqat alǵan júrgizýshiniń ózi aýdandyq aýrýhanaǵa jatqyzyldy.
Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.
Eske sala keteıik, budan buryn BQO-da jol apaty 3 jasar balanyń ómirin qıyp ketkenin jazǵan bolatynbyz.
