BQO-da avtokólik 4 jylqyny qaǵyp óltirdi

ORAL. QazAqparat – Batys Qazaqstan oblysynda avtokólik 4 jylqyny qaǵyp óltirdi, dep habarlaıdy QazAqparat tilshisi.

BQO polıtsııa baqylaý departamentiniń baspasóz qyzmeti málim etkenindeı, oqıǵa 1 qarasha kúni shamamen saǵat 21.30-da Aqjaıyq aýdany Taıpaq aýyly tusynda boldy.

Oral-Atyraý tas jolynyń 290-shaqyrymynda 30 jastaǵy júrgizýshi «Ford Transit» avtokóligimen erkin jaıylyp júrgen 4 bas jylqyny qaǵyp ketken.

Jol apaty saldarynan janýarlar oqıǵa ornynda mert boldy.

Maldyń ıesi anyqtalǵan kezde QR Ákimshilik quqyqbuzýshylyq kodeksi 408-babyna sáıkes aıyppul salynatyn bolady.

Eske sala keteıik, budan buryn BQO-da jol apatynan júrgizýshi qaza tapqanyn jazǵan bolatynbyz.