BQO-da avtobýstyń qatysýymen bolǵan jol apaty: 23 balanyń 4-eýi aýrýhanaǵa tústi
ORAL. KAZINFORM – Batys Qazaqstan oblysy Terekti aýdany Podstepnyı aýylynda mektep avtobýsynyń qatysýymen bolǵan jol apatynan keıin 23 bala, 7 eresek adam Oral qalasyndaǵy aýrýhanalarǵa jetkizildi.
BQO densaýlyq saqtaý basqarmasy baspasóz qyzmetiniń naqtylaýynsha, sonyń ishinde oqıǵa saldarynan zardap shekken tórt bala oblystyq kópsalaly balalar aýrýhanasynyń travmatologııa bólimine jabyq bas-mı jaraqaty dıagnozymen jatqyzyldy. Qazirgi kezde dárigerlerdiń baqylaýymen em alýda.
- 19 bala, 7 eresek naýqas tolyq tekserýden ótkizildi. Atap aıtqanda, rentgenografııa, kompıýterlik tomografııa, ýltradybystyq jáne zerthanalyq zertteýler jasaldy. Sodan keıin beıindi mamandar qaraǵannan keıin usynystarmen ambýlatorııalyq em qabyldaýǵa jiberildi, - dep habarlady vedomstvodan.
Eske sala keteıik, budan buryn Batys Qazaqstanda mektep avtobýsy jol apatyna ushyraǵanyn jazǵan edik.
Oral qalasynda № 12 baǵytta júretin marshrýttyq jolaýshylar avtobýsy Terekti aýdany Podstepnyı aýylyndaǵy № 2 mektep avtobýsynyń artynan soqqan bolatyn.
